التأمين على السائقين وجواب غلق المدة

التأمين على السائقين وجواب غلق المدة

التأمين على السائقين وجواب غلق المدة وجواب المرور هنتكلم عن اجراءات التامين للسائق وطلب القفل وإخطار قفل المكتب القديم هو موضوع فيديو النهاردة في معلومة بسيطة وسريعه عن اجراءات التأمين على السائقين.

تحميل النماذج من هنا:

نموذج طلب انهاء اشتراك سائق

نموذج طلب استخراج رخصة مهنية من المرور

زي ما اتفقنا ان اي موظف بنأمن عليه لازم نرفق مع استمارة 1 بتاعتة بعض الاوراق. 

من هنا بيكون في مسوغات تعيين ثابته للكل وفي مسوغات بتبقا خاصة بطبيعة الوظيفة.

زي مثلا السواق لازم يكون معاه رخصة سواء رخصة خاصه لو هيشتغل على عربية ملاكي للشركة او رخصة مهنية لو كان هيشتغل على عربيات الشركة زي عربية دبابه او ميكروباص.

طيب فين المشكلة… !

المشكلة ان السائقين عشان يطلعوا رخصتهم لازم حاجه من اتنين

يا مؤمن عليهم في شركة ما ودا بيعمل س 6 هناك وبعدها نورد له س 1 عندنا

يا مش مؤمن عليهم في شركة وهنا لازم بيكون السائق بيعمل تأمين ذاتي وبيدفع بنفسه الربط بتاعه .. وبما إن مينفعش يبقا في تأمينان على السواق وعشان نأمن عليه عندنا لازم واحنا بنورد استمارة 1 تأمينات ناخد من المكتب جواب انهاء اشتراك سائق وبعد كدا نوديه للمكتب اللي السائق تابع ليه عشان يفصل تأمينه الذاتي ومن ثم نقدر نفتح له ملف على الشركة أو بمعنى أصح ندخله تأمينات الشركة.

بعد ما بناخد الجواب ونورده لمكتب التأمينات اللي هو تابع له ونتأكد من قفل ملفه هناك بناخد منه اخضار القفل ونروح للمكتب اللي إحنا تابعين ليه للتأكيد وتسجيل السواق على شركتنا..

ملحوظه كمان:

طيب لو عندي حد مؤمن عليه بوظيفة وليكن مثلا إداري – وعايز يطلع رخصة مهنية.

اثناء ما بيعمل اختبارات الرخصة واجراءاتها في المرور المرور هيطلب منه خطاب من الشركة ان الموظف دا مؤمن عليه عندها ولا مانع من استخراج رخصة مهنية له.

وفي الحالة دي الموظف بياخد الطلب من الشركة ويروح التأمينات الاول ياخد تأشيره عليه بانه فعلا مؤمن عليه وكمان يطبع لنفسه برنت تأميني ويتختمه بختم النسر بالتأمينات الاجتماعية.

وياخد الطلب والبرنت ويطلع على المرور لإنهاء إجراءات الرخصة.

بعد كدا لو عايزين نغير المسمى بتاعه من إداري لسائق ممكن نغيره مفيش مشكله ودي طبعا لها اجراءات منفصة.

تابع المزيد عن طريق سلسلة إتعلم Personnel على Youtube